Footer

4 lalaki, nasalamaan madama pot session

CABUGAO, Ilocos Sur – Naipatuloden iti provincial prosecutor’s office ti kaso a panaglabsing iti RA 9165 maikontra iti uppat a lalaki a nasalamaan ti kapolisan  a maatap a madama ti pot sessionda iti sirok ti rangtay ditoy nga ili idi agsapa ti Mayo 8.

Bayat ti panagpatrolia dagiti polis idi agarup 1:00 ti agsapa ti Mayo  8, nasalamaanda ti maysa a traysikel iti a nakaparking iti sirok ti Quezon bridge a nagkarga iti uppat a lalaki.

Nagsuspetsa dagiti polis idi nasiputanda ti pannakaipalladaw ti maysa a kaha ti pusporo ken rubberized handle grip ket bimmabada a nagsukimat.

Inaresto dagiti polis dagiti naglugan iti traysikel a pakaibilangan da Larry Raquenio y Serna, Rodel Tabangin y Giron, Richard Suetos y Castillo ken Jorel Sajonia y Carbonel, agpapada a residente ditoy nga ili, idi nakasukainda iti maysa a heat sealed plastic sachet a nagkarga iti mapapati a shabu, innem a babassit a rolled strip aluminum foil a mapapati nga addaan iti shabu residue ken glass tooter.#

 

Comments are closed.