Footer

Hit and run suspects, nabigbig

STA. CATALINA, Ilocos Sur – Nabigbigen dagiti dua a suspek a mapapati a nangtaray iti dinungparda a mannalon sadiay Barangay Sinabaan, ditoy nga ili idi Mayo 12.

 

Kanaig daytoy, nai-refer iti provincial prosecutor’s office ti kaso a reckless imprudence resulting in homicide maikontra kada Jharel Ranchez y Medrano, 22, ken Darwin Regunton y Raganit, 40, agpada a residente iti Barangay Subec, Sta. Catalina, Ilocos Sur.

 

Maipalagip a nasarakan a nakadalutaytay iti kalsada a sakup ti Barangay Sinabaan ni Salvador Ramboyon y Rafanan, 53, naasawaan, mannalon, ken residente iti Sitio Saranay, Barangay Subec, Sta. Catalina, Ilocos Sur nga awanan puot ken nagsagrap kadagiti sugat iti nadumaduma a paset ti bagina, nangruna iti mugingna.#

 

Comments are closed.