Footer

Baro, nakimat, DOA iti ospital

SANTIAGO, Ilocos Sur – Saanen a naidanon pay a sibibiag ti maysa a baro a nakimat iti barangay road sadiay Gabao, ditoy nga ili idi malem ti Mayo 21.

Indeklara ti doktor ti ospital a nakaitarayanna a dead on arrival ni Ruben Callego y Estebe, 25, baro, ken residente iti Barangay San Roque, ditoy nga ili gapu iti pannakakimatna.

Iti report ti polis, agpaabagatan a direksion ni Callego ket nagsardeng iti sango ti balay ni Barangay Kagawad Balbina Collo iti Barangay Gabao. Mapapati a kellaat a nagkimat ket nagsagrap ti biktima iti sugat iti makannigid a paset ti rupana.

Naitaray ti biktima iti Candon General Hospital, Candon City, ngem kinuna ni Dra. Julie Anne Gumangan nga awanen ti biagna.#