Footer

Bomba nasarakan iti lakon ti mangngalap

MAGSINGAL, Ilocos Sur –  Maysa a bomba ti naduktalan ti maysa a mangngalap iti ikub ti paraanganna idi malem ti Mayo 26.

Maysa a Lory Ravago y Manalang, 46, naasawaan, ken residente iti Purok a Dakkel, Barangay Puro, Magsingal, ti nagreport iti polis a maysa a bomba ti nasarakanna iti lakon ti inaladanna idi agarup 4:00 ti malem ti nadakamat a petsa.

Segun ken ni Ravago, madama a pakpakanenna dagiti paratadi a manokna idi nakitana ti agtutungraraw a bomba ket dagus nga impakaammona ken ni Barangay Captain Angelito Torricer a dagus met a nangireport iti polis.

Naipaima ti nasao a bomba iti EOD ti Ilocos Sur Police Provincial Office.

Saan a nailanad iti report no ania a klase a bomba ti nasarakan ni Ravago iti lakonna.#