Footer

GRO, kalib-inna, natiliw iti drug operation

CANDON CITY – Natiliw ti maysa a guest relation officer ken ti kalib-inna a waiter iti buy bust operation nga inwayat ti kapolisan ditoy nga ili idi malem ti Hunio 2 sadiay Barangay Calongbuyan ditoy siudad.

Nabigbig dagiti natiliw a da Marian Dagium y Andohoyan, 28, awanan asawa, guest relation officer a natibo iti Barangay Sibagan, Agusan Del Sur, ken ti kalib-inna a ni Arnel Estocio y Yap, 34, naasawaan, waiter, natibo iti Sagayad Relocation, City of San Fernando, La Union ken agdama nga agkaskasera iti maysa a balay sadiay Barangay Calongbuyan, Candon City.

Iti nasao nga operasion, nakakumpiska dagiti polis-Candon City kadagiti suspek iti maysa a bassit a heat sealed transparent plastic sachet a nagkarga iti masuspetsa a shabu; maysa a glass totter nga addaan iti mapapati a shabu residue; 7 nagawangan a plastic sachet nga addaan shabu residue; 3 narolio nga aluminium foil a mapapati nga addaan shabu residue; 4 dilapidated lighter; 3 cellular phone; maysa a packed aluminium foil; maysa a getteng; P200 personal money ken P500.00 a  naaramat a buy bust money.

Naipan dagiti suspek agraman dagiti nakumpiska iti police station ditoy para iti dokumentasion ken umisu a disposision.#

Comments are closed.