Footer

American citizen, inaresto dagiti polis

SANTIAGO, Ilocos Sur – Saan a gapu ta umilikan iti Amerika ket saannakan a kamaten ti linteg no naglabsingka iti linteg ti pagilian.

Inaresto dagiti elemento ti kapolisan ditoy nga ili ni Elaine Datu y Morales, 52, naasawaan, American citizen, medical assistant, ken agdama a residente iti San Jose, California, United States of America, babaen ti bileg ti warrant of arrest nga inyisio ni Judge Jaime D. Bugain ti 6th MCTC Santiago-San Esteban, Ilocos Sur 1st Judicial Region.

Sumangsango ni Datu iti grave coercion iti nadakamat a korte a naipababaen ti CC No. 1429-S ket nairekomenda nga agpiansa iti P12,000.00.

Addan ti akusado iti kustodia ti Santiago police station.#