Footer

Droga, paltog, nasamsam iti buy bust operation

SINAIT, Ilocos Sur – Paltog ken droga ti nasamsam ti kapolisan babaen ti inwayatda a buy bust operation maikontra iti maysa a karpintero idi rabii ti Hunio 7.

Inaresto dagiti nagtipon nga elemento ti Sinait police station, CIDG Region 1, PIB, ken ISPAIDSOGT ni Ludivico Ilustrisimo y Ilacad, 56, naasawaan, karpintero, ken residente iti Barangay Purag, kalpasan a nagpositibo ti inwayatda nga operasion maikontra iti suspek.

Nakakumpiska dagiti operatiba iti ikut ni Ilustrisimo iti maysa a caliber 22 revolver nga addaan iti 6 a bala; 3 a heat sealed sachet a nagkarga iti mapapati a shabu; assorted a drug paraphernalia, ken maysa a motorsiklo nga awanan iti plaka.

Sinaksian ti pannakabagi ti DOJ ken barangay officials ti pannakainbentario dagiti nasamsam iti ikut ti suspek.

Iti pannakaisurat daytoy, maisagsaganan ti kaso a panaglabsing iti RA 9165, RA 10591 ken Comelec Resolution No. 10015.#