Footer

Kagawad, dimmanog gapu iti dado

VIGAN CITY – Gapu iti pannakaabakna iti sugal, immutang daytoy suspek iti management ngem idi singirenda ti utangna, nagpudot ket dimmisnogen a puon ti nakadunoran ti biktima.

Naipulong iti polis ni Noel Ayunon y Briones, 43, naasawaan, kagawad, ken residente iti Barangay Raois ditoy siudad, gapu iti panangdisnogna iti kalugaranna a ni Generoso Testado y Andallo, 40, naasawaan, kontratista.

Kas maibatay iti report manipud iti polis, immutang ni Ayunon iti  management idi naungkos ti kuartana iti sugal a dado.

Nagtuloy a nagmalas ni Ayunon ket nagpudot idi singiren ni Testado ti utangna.

Mapapati a nagbinnara dagiti dua ket dinisnog ni Ayunon ti rupa ni Testado ken tinugkikna ti mata daytoy a nakadunoranna.

Kalpasan ti pannakaagas ti biktima iti City Health Office, Vigan, napagawid met laeng.#