Footer

Nakautang, binagsol ti nagpautang

BURGOS, Ilocos Sur – Utang ti ramut daytoy pammagkong a nagtungpal iti pannakatay ti nakautang.

Pimmusay iti Ilocos Sur District Hospital a nakaitarayanna ni Jhun Calpo y Cerevania, 37, naasawaan, mekaniko, ken residente iti Barangay Mambog, Burgos, Ilocos Sur gapu kadagiti bagsolna iti makannawan a kilikilina ken makannawan a tianna.

Boluntario met a simmuko ni Alwin Dava y Dela Cruz, 36, naasawaan, mannalon, kalugaran ti  biktima, kadagiti nagresponde a polis.

Mapapati nga idi naggawid ni Dava manipud iti drinking session, nadatnganna da Calpo ken  Erwin Partosa iti uneg ti balayna.

Apagserrek ni Dava, mapapati a binekkel ni Calpo sana kinuna: “Gapu ta bimmaknangkan ken adda tractor mo, nagbuakawkan, agsingerkan!”

Naganawa ni Partosa ngem nagtuloy ti panagriri dagiti dua.

Nagtaray ni Dava iti kusina ket nangala iti immuko sana binagsol ni Calpo iti sumagmamano a daras.

Nakarekobre dagiti inbestigador iti crime scene iti kitchen knife nga agatiddog iti 9 a pulgada agraman iti pagiggaman.#

Comments are closed.