Footer

Suspek iti panagtakaw iti Vigan public market annex, natiliw

VIGAN CITY – Agpalpalama a  taga-Alaminos City, Pangasinan ti naaresto a nagtakaw iti opisina ni Architect Dennis Cabello y Raquel sadiay Vigan Public Market Annex, Barangay 8, a masuspetsa nga inwayatna idi karabian ti Hunio 10.

Inaresto dagiti polis ti suspek a maysa a Jonathan Daragay y Mero, 23, baro, awanan panggedan ken residente iti Barangay Lucap, Alaminos City, Pangasinan.

Mabirbirok pay ti di nabigbig a kumplotna.

Naduktalan ni Cabello a natakawan ti opisinana idi napan naglukat idi agarup 9:30 iti bigat ti Hunio 11 ta  naiwarawara dagiti gamitna ken awanen ti aircon nga agbalor iti P15,000.00, computer set nga addaan iti LED screen nga agbalor iti P9,000.00, ken CPU nga aggatad iti P30,000.00.

Nakastrek dagiti suspek iti uneg babaen ti panangdadaelda iti steel frame ti aircon ken ditoy met la ti rimmuaranda kalpasan ti panagtakawda.

Naiyendorso ti kaso a panagtakaw maikontra ken ni Daragay ken John Does iti opisina ti city prosecutor.#