Footer

Akusado a naggandat a pumatay, inaresto dagiti polis

BURGOS, Ilocos Sur – Inaresto ti nagtipon a polis-Sto. Domingo ken polis-Burgos ti maysa a security guard a maag-agasan iti Northside Doctors Hospital sadiay Barangay Guimod, Bantay, Ilocos Sur idi malem ti Hunio 17.

Inaresto dagiti polis ni Saturnino Cabjuan, Jr., y Bacolod, 38, ken residente iti Barangay Manaboc, Burgos, Ilocos Sur babaen ti bileg ti mandamio de aresto nga inyisio ni Judge Sixto Diompoc ti RTC Branch 72, Narvacan, Ilocos Sur.

Sumangsango ni Cabjuan iti kaso a frustrated murder nga addaan Criminal Case No. 3110-N ket rekomendado nga agpiansa iti P200,000.00.

Nayospital ni Cabjuan agsipud ta nagbalin a biktima ti pammaltog sadiay Barangay Cabaritan, Sto. Domingo, Ilocos Sur idi agsapa ti Hunio 15.

Naikustodia ti biktima iti police station ti Burgos para iti dokumentasion ken disposision.#

Comments are closed.