Footer

Mannalon, binagsol ti kasinsinna

SINAIT, Ilocos Sur – Nabara nga argumento bayat ti panaggiinomda ti ramut ti panagriri ti agkasinsin a nagtungpal iti pannakabagsol ti maysa.

Iti report manipud iti police station ditoy, idi agarup 10:30 ti rabii ti Hunio 28, binagsol ni Marlon Dangcil y Templanza, naasawaan, mangngalap, residente iti Barangay Sabangan, ditoy nga ili, ti kasinsinna a ni Rogelet Dangcil y Guerrero, 32, naasawaan, mangngalap, ken agnaed met laeng iti nadakamat a barangay.

Sakbay ti pammagkong, naggiinom da Rogelet, ti kabsatna a ni Derick Dangcil y Guerrero, 43, OFW, ken ti kasinsinna a ni Jeffrey Dangcil y Templanza ngem adda dida nagkinnaawatan a nagtungpal iti panagdinnisnog da Rogelet ken ni Jeffrey.

Naggawid ni Jeffrey ngem nagsubli a kaduana ni Marlon a kabsatna a nagtagiimmuko ket dinarup ti suspek ni Rogelet sana binagsol ti makannigid a  likud daytoy.

Naglibas ni Marlon kalpasan ti pammagkong idinto a naitaray ni Rogelet iti Sinait District Hospital tapno maagasan ti sugatna.#