Footer

8-tawenna nga ubing, biktima iti swindling

VIGAN CITY – Balitok nga aritos ken kuartana a P20.00 ti napukaw ti maysa nga ubing nga agtawen iti walo iti swindler a babai a nangballaibo kenkuana bayat ti kaaddana iti pagadalan idi malem ti Hulio 3.

Iti palawag ni Leanne Drei Martinez y Figuerres, 8, Grade 2, ken residente iti Barangay Tamag, ditoy siudad, bayat ti panagur-urayna iti klasena iti lakub ti Vigan Central School a pagbasbasaanna, maysa a babai ti immasideg kenkuana ket imbagana a nakapatpatangna ti inana a ni Arlene Martinez y Figuerres ket imbilin daytoy nga itedna iti babai ti paris a balitok nga aritosna ken kuartana.

Pimmanaw a dagus ti suspek apaman a naiyawat ti biktima ti aritos ken P20.00 a kuartana.

Naammuan laengen ti ubing a naloko idi imbaga ti inana nga awan ti nakapatpatangna a babai a pangitedanna iti aritos ken kuartana.#

 

Comments are closed.