Footer

Saan a naideklara nga imported meat, nakumpiska

TAGUDIN, Ilocos Sur – Tallo a tao ti sumango iti kaso a panaglabsing iti ordinansa ti probinsia gapu kadagiti kinahon nga imported a karne nga awanan inspection certificate a nakumpiska iti luganda idi Hulio 2.

Nabigbig dagiti suspek a ni Ricky Quimbro Parinas, 36, naasawaan, residente iti No. 4052 Marsville, Sucat City, Parañaque,  ken dagiti katulonganna a da Raffy Guzman Canlas, 33, awanan asawa, residente iti Laput Mexico, Pampanga ken Jerson Soliman Dumolot, 28,  awanan asawa, ken residente iti Bagumbayan, Angeles City, Pampanga.

Nasukalan dagiti agbambantay iti Animal Quarantine sadiay Barangay Bio, Tagudin, Ilocos Sur a nagkarga ti reefer van a minaneho ni Parinas iti tallupulo a boxes a saan a naideklara nga imported meat ket kinumpiskada dagitoy.

Kas intuding ti Section 3(g) Provincial Ordinance No. 15-06, Series of 2015, maiparit ti agibiahe iti meat by products iti uneg ti probinsia ti Ilocos Sur nga awan ti meat inspection certificate.#

Comments are closed.