Footer

Motorista, natay iti aksidente

STA. MARIA, Ilocos Sur –  Napakaskas ti panagpataray ti biktima isu a napukawna ti kontrolna iti manibela a puon ti pannakadungparna iti kongkreto a railings ti rangtay a namagsilpo iti Barangay Maynganay Norte ken Laslasong West ditoy nga ili idi rabii ti Hulio 10, daytoy ti inisial a resulta ti panagimbestiga ti kapolisan ditoy nga ili.

Nakaro ti sinagrap ni Mark Kennedy Delirio y Gandesa, 18, awanan asawa, ken residente iti Barangay San Antonio a sugat iti ulo ken nadumaduma a paset ti bagina ket naideklara a natayen idi maidanon iti Ilocos Sur District Hospital iti Narvacan, Ilocos Sur.

Nagsagrap met ti insakayna a ni Jeremy Cambe y Doles, 15, ken residente iti Barangay Tinaan, Sta. Maria, iti garadgad iti rupa, ima ken sakana ket naipaagas iti isu met laeng nga ospital.

Iti panagimbestiga ti polis, napegges ti taray ti Mio motorcycle a minaneho ni Delirio ket iti nagkurbaan a paset ti rangtay, aksidente a nadungparna ti railings ti rangtay a nagresulta iti pannakatayna.#

Comments are closed.