Footer

Tindera iti ikan, natakawan

CABUGAO, Ilocos Sur –  Gapu iti kinaliwayna, natakawan ti maysa a tindera iti ikan sadiay Cabugao Public Market idi agarup 5:00 ti malem ti Hulio 10.

Segun iti biktima, idi agarup alas 10:00 ti bigat ti nadakamat a petsa, adda lalaki a gimmatang iti ikan a lakona.

Imparabaw ni Zamora ti bagna iti tugawna sana inasikasona ti kustomerna.

Idi agsubli ni Zamora iti tugawna, awanen ti bagna.

Yan ti adatna, saan a sigurado ni Elma Zamora y Salarzon, 35, naasawaan, residente iti Barangay Sabang, ditoy nga ili, no asino ti nangkurimes iti bagna a naglaon iti P20,000.00 agsipud iti kaadu dagiti kustomer a gimmatang kenkuana iti dayta nga aldaw.#