Footer

2 naaresto gapu iti assault upon a person in authority

ALILEM, Ilocos Sur – Dua a lalaki ti inaresto ti polis ditoy gapu iti kasoda a direct assault upon an agent of a person in authority idi malem ti Hulio 18.

Inaresto dagiti polis-Alilem da Alejo Alejo Tamtam Jr. y Suoc, 20, baro, estudiante iti sekundaria ken Tobio Tegio y Degito, 25, baro, hardinero, agpada a residente iti Mangcoybot, Alilem Daya, Alilem, Ilocos Sur babaen ti bileg ti warrant of arrest nga inyisio ti hues iti 13th Municipal Circuit Trial Court Alilem-Sugpon gapu iti kasoda a panangasulto iti maysa a tao iti otoridad babaen ti Criminal Case No. 106 iti sala ni Judge Redan A. Acal, Presiding Judge ti 13th MCTC Alilem-Sugpon.

Nagpiansa ni Tamtam iti P12,000.00 para iti temporario a pannakawayawayana.#