Footer

Motorsiklo, natakaw iti uneg ti inaladan

VIGAN CITY – Natured unayen dagiti mannanakaw ditoy siudad ta uray adda ti motorsiklo iti uneg ti inaladan, dida nagamak a nangitaray lattan ti nasao a lugan.

Nagreport ni Philip Arcellana Gonzales, 30, naasawaan, residente iti Barangay IX, ditoy siudad, a natakaw ti motorsiklona a Yamaha Mio nga imparkingna iti uneg ti garaheda idi agarup 7:00 ti malem ti Hulio 17.

Segun ken ni Arcellana, naduktalan ti amana a ni Elpidio nga awan ti motorsiklo iti uneg ti garahe idi agsapa ti Hulio 19.

Iti panagimbestiga dagiti polis, nupay adda alad ti aglawlaw ti balay, saan a nakaserra ti ruangan.

Di pay ammo no asino ti nangitalaw iti motorsiklo.#

Comments are closed.