Footer

BANNER: Rinibribu a sangaili, turista nakipagrambak iti Longganisa Festival

VIGAN CITY – Makalawas kalpasan ti naballigi a pannakasangaili dagiti duapulo a kandidata para Miss Universe, rinibribu manen a turista ti simmangbay iti Vigan City tapno makipagrambakda iti Longganisa Festival, tampok a pabuya ti Piesta ti Konbersion ni San Pablo, santo a patron ditoy.

Idi Enero 15, naituon ti imatang ti lubong iti Vigan City agsipud ta bimmisita ditoy dagiti 20 a kandidata a para Miss Universe a nakairagupan ni Miss Philippines Maxine Pineda ket nakipartisiparda iti maysa a fashion show a nakaitampokan ti lokal a produkto nga abel iloko.

Kas ninamnama dagiti agtuturay nga idadauluan ni Vigan City Mayor Juan Carlo Medina, dupudop dagiti turista a nagsakripisio a nagtatakder iti agsumbangir nga igid ti kalsada iti aglawlaw ti Vigan tapno agbuyada iti Longganisa Street Dancing Parade a tinawen a maangay iti Enero 22, aldaw ti panagbalin ti Vigan a maysa a siudad.

Kasta met nga iti karabian daytoy nga aldaw, arig awan pagtinnagan ti dagum iti kaburnok dagiti nagbuya iti Longganisa Street Dancing Showdown a naangay iti sango ti nadaeg a Katedral ni San Pablo.

Maysa kadagiti kalatakan a festival iti Amianan, maitamtampok iti Longganisa Festival daytoy maipagpannakkel a produkto ti Vigan a paggugusto dagiti turista a ramanan ken ipasarabo kadagiti patpatgenda kalpasan ti panagpasiarda iti siudad.

Malaksid ti grand parade inton Enero 25, kaaldawan ti piesta, mapadayawanto ti Most Outstanding Bigueño of the Year iti seremonia a maangay iti Plaza Burgos iti karabianna.

Dagiti sumaganad dagiti dadduma pay nga aktibidad iti selebrasion ti piesta:

Enero 20 – Education Day: Academic Competitions, Oratorical Contest, Video Presentation (9:00 am, SP Session Hall), ken Quiz Bee (9:00 am, VCTC)

Enero 21- NGO/Social Services Parade (7:00 am, Parade Route), Feeding Program (9:00 am, Parking Area), Coronation of Infantile King and Queen (6:00 pm, Plaza Burgos), ken 80’s Presentation of NGO’s (8:00 pm, Plaza Burgos)

Enero 22 – Longganisa Cookfest (9:00 am, sango ti Vigan City Hall), Longganisa Street Dancing (3:00 pm, aglawlaw ti Vigan), ken Longganisa Street Dancing Showdown (8:00 pm, sango ti St. Paul Cathedral)

Enero 23 – Education Day Parade (7:30 am, aglawlaw ti Plaza Burgos), Marching Band Competition, Elementary and High School (9:00 am, aglawlaw ti Plaza Burgos), ken Search for Mr. and Ms. Education (7:30 pm, Plaza Burgos)

Enero 24 – Metro Vigan Dancesport Club Night, ken Balik Vigan Night (7:00 pm, Plaza Burgos)

Enero 25, Eucharistic Celebration (6:00 am, St. Paul Cathedral), Fiesta Grand Parade (7:00 am, Parade Route), Coronation of Ms. Vigan 2017 (7:00 pm, Plaza Burgos), ken Awarding of the Most Outstanding Bigueño of the Year (Plaza Burgos)

Enero 26 – AVQ Night, Variety Show, Fashion Show, Zarsuela Ilokana, ken Dance Contest (7:30 pm, Plaza Burgos)

Enero 27 – Agri-Float Parade (6:00 am, aglawlaw ti Vigan), Coronation of Ms. Balikatan 2017 (7:00 pm, Plaza Burgos), ken Dance Contest – Glitters Theme (7:00 pm, Plaza Burgos)

Enero 28 – Alay Gupit (9:00 am, sango ti Vigan City Hall), LGBT Night Featuring “Shala”, The Vigan LGBT Concert (8:00 pm, Plaza Burgos). (Tawid News Team)