Footer

2 granada, naisuko

BANTAY, Ilocos Sur – Dua a granada ti nagsina nga insuko ti dua a tao sadiay Bantay len Sta. Lucia idi Enero 25.

Iti immuna a report, nakaawat dagiti polis-Bantay iti tawag manipud iti selpon a maysa a MK2 Fragmentation Hand Grenade ti nasarakan iti uneg ti balay ti maysa a Maricel Perez y Javillana, 31, naasawaan, ken residente iti Barangay Guimod, Bantay.

Kinuna ni Perez a nasarakanna ti granada iti uneg ti drawer bayat ti panagdalusna.

Iti maikadua a report, nasarakan ni Virgilio Estacio y Alcudia, 42, naasawaan, tractor operator, ken residente iti Barangay Conconig West, Sta. Lucia, ti hand grenade bayat ti panagaradona iti talon ni Winston Hernaez idi agarup 2:00 pm ti malem ti Enero 25.

Inreport a dagus ni Estacio ti naduktalanna iti polis.#