Footer

Pagtagilakuan, natakawan

CANDON CITY – Malaksid nga awan ti guardia, awan pay ti naikabit a CCTV iti uneg wenno ruar daytoy a pagtagilakuan isu nga agkarkarawa dagiti inbestigador no asino dagiti mannanakaw.

Idi agarup 9:30 ti bigat ti Enero 29, inreport ni Julie-Ann Torres y Tatson, 20, awanan asawa, cashier, iti police station ditoy a natakawan ti Motoposh, Candon Branch a masarakan iti Barangay San Agustin ditoy a siudad.

Naammuan iti inisial a panagimbestiga dagiti polis a nakastrek ti mannanakaw iti nasao a pagtagilakuan kalpasan a pinutedna ti barbed wire a pannakaalad ti pasdek sana dinadael ti ridaw iti likud.

Kinurimes ti mannanakaw ti P3,400.00 a cash, selpon a Samsung Galaxy nga agbalor iti P5,000.00 ken Huawei a di ammo ti gatadna.

Di pay ammo ti nangserrek iti pagtagilakuan agsipud ta awan ti on duty a guardia ken awan ti nainstolar a CCTV camera iti uneg ken ruar ti pasdek.#

Comments are closed.