Footer

2 natiliw nga agsugsugal, napagmulta

CANDON CITY – Inako dagitoy dua a lalaki a natiliw bayat ti panagsugalda a nakabasolda ket minulta ida ti korte kas dusada.

Naruk-atan da Ferreol Abaya y Orian, Jr., 27, awanan asawa, residente iti Barangay San Jose, ken Sonny Paligutan y Gacilus, 26, awanan asawa, residente iti Barangay Calongbuyan, kalpasan a nagmultada iti P400.00.

Nakasuan dagiti dua iti panaglabsing iti PD 1602 kalpasan a natiliwanda nga agbonbontayog (kara y krus) idi agarup 5:15 ti malem ti Pebrero 20 iti abay ti Banco de Oro a masarakan iti Abaya Street.

Kinumpiska dagiti polis ti pusta a 5 sag-P20.00; 2 a sag-P10.00; ken 8 a sag-P5.00 nga agdagup iti P160.00 ken dua a P.25 a naaramat a pinagbontayogda.#