Footer

Balud, nanayonan kasona 2 sabali pay

BANGUED, Abra – Nanayonan ti kaso daytoy a balud kalpasan nga inserbi dagiti polis ti Sta. Lucia, Ilocos Sur ti warrant of arrest kenkuana mainaig iti dua a sabali a kasona.

Naserbian iti warrant of arrest iti Abra Provincial Jail a nakaibaludanna ni Promencio Cortez, am-ammo pay iti aliasna a Prodencio Cortez ken Antonio Indian Cabalse, 54, naasawaan, ken residente iti Barangay Camangaan, Sta. Cruz, Ilocos Sur gapu kadagiti kasona a homicide ken multiple attempted homicide iti sala ni Judge Policarpio P. Martinez ti Regional Trial Court Branch 71, Candon City a nai-docket iti babaen ti Criminal Case No. 2951-C ken 2952-C.

Nairekomenda nga agpiansa ni Cortez iti P200,000.00 ken P120,000.00 para kadagitoy a kasona.

Nagtalinaed a sipupupok ni Cortez iti Abra Provincial Jail.#

Comments are closed.