Footer

Manedier ti paglakuan motorsiklo, natakawan

CANDON CITY – Natakawan ti maysa a manedier iti mismo a paglakuanna sadiay Barangay San Jose, ditoy siudad a mapapati a napasamak idi malem ti Pebrero 21.

Naduktalan laeng ni Mark Anthony Ramos y Siabara, 34, awanan asawa, manedier ti Motorstar Motorcycle, a natakaw ti nangisit nga sling bagna a nangikabilanna iti kuartana a P5,000.00 ken sun glass idi agarup 11:00 ti bigat ti Pebrero 22.

Segun kada Joey Bilegera y Barillo, 23, ken Elmer John Bersalona y Bagabag, 21, agpada a collector, pinanawanda ti pagtagilakuan a nakaserra ti roll-up a ridaw ngem idi nagsublida iti agarup 11:00 iti rabii, nadatnganda a nakalukat ti opis ken nakitada ti maysa a lalaki nga agtaktakder iti sango ti pasdek.

Dagdagus ti di nabigbig a lalaki a bimmallasiw iti kalsada sa nagna nga agturong iti Barangay San Isidro.

Segun iti polis, awan ti pakakitaan a naporsar a naluktan ti pagtagilakuan.#

Comments are closed.