Footer

Balay, natakawan

SAN ILDEFONSO, Ilocos Sur –  Sumurok-kumurang P17,500.00 ti natakaw iti maysa a balay iti Poblacion East ditoy nga ili a mapapati a naiwayat idi rabii ti Pebrero 7.

Inreport iti polis ni Rosemarie Pahed y Pagaduan, 46, ken residente iti Poblacion East, a natakaw iti balay ti pamiliada ti dua a selpon, tablet ken kuarta..

Naduktalan laeng ti panagtakaw idi mapan agbasa dagiti annak ni Rosemarie idi bigat ti Pebrero 8 ta mapukpukaw ti Samsung Duos ken Star Mobile a selponda, Acer tablet ken cash nga agdagup iti P1,000.00 a naikabil iti akinngato nga alud ti Durabox cabinet.

Mapapati a nakastrek dagiti mannanakaw iti uneg ti balay babaen ti yuulida iti kongkreto nga alad sada puersa a linuktan ti steel window.

Ditoy met la ti nagnaan dagiti mannanakaw kalpasan ti panagtakawda.

Iti pannakaisurat daytoy, di pay ammo ti kinasiasino dagiti mannanakaw.#

 

Comments are closed.