Footer

Napukan a narra, molave, akasia, nakumpiska

BANTAY, Ilocos Sur – Illegal a napukan a kayo ti narra, molave ken akasia ti nasamsam dagiti polis ditoy, kaduada dagiti miembro ti Community Environment and Natural Resources Office idi rinautda ti tallo a balay sadiay Sitio Tagaytay, Lingsat, ditoy nga ili idi bigat ti Pebrero 6.

Nakasamsam ti grupo iti paraangan ti balay ni Edgardo Palad y Madriaga, 45, naasawaan, iti naputed a kayo ti molave, narra ken chainsaw; 3 kaputed a narra ken akasia lumber iti paraangan ni Anacleto Viernes y Verazon, Jr., 35, naasawaan; ken narra log ken lumber iti balay ni Ernesto Viernes y Paino, Sr., naasawaan.

Awan ti naiparang da Palad ken Vierno a dokumento iti panagtagikua kadagiti naputed a kayo ken chainsaw idinto nga awan ni Viernes idi naiwayat ti panagraut.

Naipan dagiti suspek agraman dagiti ebidensia iti police station ditoy sa naipaima kadagiti miembro ti CENRO para iti disposision.#

 
No comments yet.

Leave a Reply