Footer

5 napagmulta gapu iti illegal a panagkalap

SAN ESTEBAN, Ilocos Sur – Lima a mangngalap ti napagmulta kalpasan a natiliwanda nga agkalap babaen ti double fishing nets iti kabaybayan a sakup ti Barangay Bateria ditoy nga ili idi bigat ti Pebrero 27.

Natiliwan da Isaac Ebojo y Pajanustan, 38, naasawaan; Cresencio Serrano y Imperial, 65, naasawaan; Allan Ebojo y Pajanustan, 42, awanan asawa; ken Abraham Ebojo y Reyes, 42, awanan asawa, residenteda amin iti Barangay San Pablo, San Esteban, Ilocos Sur, a nagkalap iti kabaybayan ti nadakamat a barangay babaen iti double fishing nets wenno sigay.

Kinumpiska dagiti nagresponde a polis ti sigay dagiti suspek sada impan dagitoy iti police station para iti dokumentasion ken disposision.

Agsipud ta damoda a naglabsing, napagmulta iti tig-P1,000.00 dagiti naglabsing a mangngalap.#

Comments are closed.