Footer

Mangngalap, nabtakan iti bongbong, natay

SAN JUAN, Ilocos Sur – Iti baet ti pannakaiparit iti panagbungbong, adda latta dagiti nasukir a mangngalap nga agkalap iti daytoy illegal a wagas iti baet a pakaisagmakan pay ti biagda.

Iti report manipud iti police station ditoy, sakbay a naibato ni Gladlee Ford Vitamog y Salarzon, 31, naasawaan, ken residente iti Barangay Dardarat ti iggemna a bongbong, bimtak daytoy a puon ti nagsagrapanna kadagiti dunor iti barukongna ken ulona a puon ti nakatayanna.

Segun ken ni Samuel Asuncion, nakitana ni Vitamog a nakatakder iti rakitna sa kellaat a nagpukaw daytoy kalpasan a nakangeg iti kanalbuong.

Nagpaarayat ni Asuncion kadagiti lumugar ket nasarakanda laengen a bangkay ni Vitamog gapu kadagiti grabe a sugatna.#