Footer

Paltog, insuko ti konsehal

QUIRINO, Ilocos Sur – Kas suportana iti kampania ti kapolisan maikontra iti loose firearm, insuko ti maysa a sangguniang bayan member ditoy nga ili ti maysa a homemade revolver itay nabiit.

Personal nga insuko ni SBM Rene Aldet Wacquisan, naasawaan, ken residente iti Poblacion ditoy, ti maysa a homemade revolver caliber .38 idi agarup 9:00 ti bigat ti Pebrero 28.

Naikustodia ti nasao a paltog iti police station ditoy para iti dokumentasion ken disposision.

Saan a nadakamat iti report no kaano pay nga adda iti ikut ti konsehal ti nasao a paltog sakbay nga insukona.

Segun iti report, naggapu ti paltog iti katugangan a lalaki ni Aldet a mapapati a paltogna idi adda pay la iti serbisio kas kameng ti Philippine National Police.#