Footer

600 kapuon a marihuana, pinag-ot dagiti operatiba

NAGBUKEL, Ilocos Sur – Ginasut a kapuon ti marihuana ti pinag-ot ken pinuoran dagiti nagtitipon nga elemento ti kapolisan iti kabanbantayan a paset ti Barangay Lapting ditoy nga ili idi malem ti Marso 9.

Iti inwayat nga operasion ti nagtipon a personnel ti Nagbukel police station, PDEA-RO1-ISSEO (Ilocos Sur Special Enforcement Unit), ISPIB ken ISPIDMB, pinag-otda ti agdagup iti 600 pinuon ti fully grown a marihuana a mapattapatta nga agbalor iti P120,000.00 a naimula iti maysa a plantasion sadiay Barangay Lapting ditoy nga ili nga aglawa iti 60 metro kuadrado. Sabali laeng ti nakumpiskada a napagango a bulong ti marihuana nga agdagsen iti 20 kilos a mapattpatta nga agbalor iti P500,000.00

Kalpasan a naparutda dagiti mula, pinuoran dagiti operatiba dagitoy kalpasan a nainbenta-rioda ken nangalada iti sumagmamano kapunggos nga isalogda.

Ngem nakalibas ti mangtar-taraken iti daytoy maiparparit a mula a nabigbig idi agangay a maysa a George Cabalar y Ciubal aka Tomas idi naangotanna iti kaadda dagiti operatiba.

Maisagsaganan ti kaso maikontra ken ni Cabalar.#