Footer

Akusado iti homisidio, inaresto dagiti polis

CABUGAO, Ilocos Sur – Inaresto dagiti nagtipon nga elemento ti Cabugao police station ken PIB ISPPO ti maysa a construction worker a sumangsango iti kaso idi sardam ti Marso 16 sadiay Barangay Turod ditoy.

Naaresto ni Denver Dion y Sambrana, 21, awanan asawa, babaen ti bileg ti warrant of arrest nga inyisio ni Judge Raphiel F. Alzate ti Regional Trial Court, Branch 24, Cabugao, Ilocos Sur.

Sumangsango ni Dion, top 3 iti LOI Manhunt Charlie ti nadakamat nga estasion ti polis, iti kaso a homisidio a nai-docket  iti babaen ti Criminal Case No. 3596-KS ket rekomendado nga agpiansa iti P80,000.00.

Temporario a nakadetene ti akusado iti police station para iti umisu a disposision.#