Footer

IPAMAYSA KOMA TI DUTERTE ADMINISTRATION A PAKSIATEN TI ABU SAYYAF GROUP

Komentario ni Eden A. Alviar

(Umuna iti dua a paset)

 

MAYSA manen a mantia iti imahe ti Pilipinas iti mata ti lubong ti panangpatay dagiti terorista ti Abu Sayyaf Group ken ni Jurgen Kantner, maysa a German national nga agtawen iti 71 ken sigud a hostage dagiti bandido iti kutada sadiay kabamban-tayan iti Jolo, Sulu..

Impungsay dagiti terorista ti ulo ni Kantner kalpasan ti intudingda a deadline idi Pebrero 26, 2017 ket saan a naited ti P30 million ransom a kiniddawda. Ni Kantner ket kinidnap dagiti bandido idi Nobiembre kabayatan ti panaglayagda iti yate ken ti asawana a ni Sabine Merz iti kabaybayan ti Sulu iti asideg ti isla ti Jolo, ken ti asawana a ni Sabine Merz. Napapatay ni Merz iti yate. Innala met dagiti bandido ni Jurgens iti kutada, ket impasakada, ngem awan ti naurayda a ransom.

Immuna a nagwaras iti social media ti video ken apila ni Kantner idi sibibiag pay maipanggep ti plano dagiti ASG a mangpapatay kenkuana no saan a maited ti kidkiddawenda a ransom iti naituding a deadline. Kalpasan ti deadline, nagwaras manen iti social media ti panangputol dagiti terorista iti ulo ni Kantner. Ngem saan a dagus a kinompirma ti Armed Forces of the Philippines ti nakaam-ames a krimen.

Iti press conference sadiay Malacañang idi Pebrero 28, 2017, impresentar ni Presi-dente Rodrigo Duterte ti nawayawayaan a ni Rexon Rumoc, walo ti tawenna nga ubing a Pilipino a kinidnap dagiti Abu Sayyaf a kaduana dagiti nagannak kenkuana. Nawayawayaan met dagiti nagannak kenkuana gapu iti mapapati a panagbayadda iti ransom. Iti dayta a pasken, dimmawat ni Duterte iti dispensar ti gobierno ken kadagiti umili iti Germany iti pannakapapatay ni Kantner. Inaklon ni Duterte nga adda pay laeng 26 a hostage dagiti Abu Sayyaf pakaibilangan dagiti sumagmamano a Pilipino. Impakaammona ti agtultuloy a kampania ti Armed Forces of the Philippines a mangparmek iti ASG.

Panawen pay laeng ti kampania idi impaspasindayag ni Duterte ti panangpaksiatna ti kriminalidad iti pagilian iti las-ud ti 3 – 6 a bulan. Maika-walon a bulan ti napalabas manipud idi nangrugi daytoy nga adminis-trasion ngem agtaltalinaed ti peggad ken pangta dagiti terorista -nangruti ASG.

Nadagsen a parikut ti terorismo iti Pilipinas nang-runa ti ASG a maysa nga Islamic Extremist Jihadist group a  nakialyansaan ti inter-nasional ken mapagbutbut-ngan a terorista a grupo nga Islamic State of Iraq and Syria wenno ISIS. Itay Enero 2017, kinom-pirma ni Defense Secretary Delfin Lorenzana a nagsapatan iti ISIS ni Isnilon Hapilon, lider ti ASG.

Impakaammo pay ni Lorenzana a pimmanaw ni Hapilon iti kutada sadiay Basilan ket napanen nakikap-pon iti terorista a Maute Group sadiay Butig, Lanao del Norte tapno adda pagkutaan ti ISIS. Kadagiti napalabas a bulan, insayangkat ti AFP ti opensiba kadagiti terorista sadiay Butig a nakaapektaran dagiti nagadu a sibilian.

Ti parikut ti terorismo kadagiti ASG ken Maute Group ket paset laeng ti nadagsen a problema sadiay Mindanao a nakaibuisanen dagiti rinibu a biag ken nakadadaelanen ti binillion ti balorna a sanikua ken invest-ment a mangpadur-as koma ti nakarigrigat a kasasaad dagiti naapektaran a probin-sia. Malaksid kadagi-toy a grupo, pangta met latta dagiti rebelde ti Moro National Liberation Front, Moro Islamic Liberation Front, ken Bangsamoro Islamic Free-dom Fighters nga agtartari-gagay a makagun-od ti autonomia wenno panag-waywayas.

Agtultuloy dagiti opensiba dagiti tropa ti gobierno kontra kadagiti Abu Sayyaf, ngem kurang ti konsentrasion ti administrasion tapno ma-paksiat koman dagiti tero-rista. Agparparang nga ipang-pangruna ti administrasion ti kampania kontra illegal a droga iti intero a pagilian.

Nadagsen a parikut ti illegal a droga, ngem nasken a mabalanse koma ti atension ti administrasion ken am-muenna no ania kadakuada ti nasken a maikkan iti prioridad.

(Adda tuloyna)

Comments are closed.