Footer

Katulong, ginudas ti timmayab a rotating saw

TAGUDIN, Ilocos Sur – Dina intaltalek ti ballakad ti kalugaranna agsipud ta menor de edad daytoy a puon la ket ngarud ti nakadesgrasiaan ken nakatayanna.

Iti report manipud iti police station ditoy, as-asaen ni William Somera Manzano, 50, naasawaan, ken residente iti Barangay Ranget, ditoy nga ili ti kitchen knife babaen ti electric grinder idi mapasamak ti aksidente.

Mapapati nga adda birri ti rotating saw ket napisi sa timmayab ti maysa a pasetna  ken naipalok iti tian ni Somera.  Naitaray ti biktima iti ospital, ngem naideklarar a dead on arrival idi maidanon iti balay-pagagasan.

Kinuna ni Agapito Garcia Pera, 17, nga imballakadna a saan nga usaren ni Somera ti plato ti electric grinder ta adda birrina ngem saan nga intaltalek ti biktima.#

 

Comments are closed.