Footer

BANNER NEWS: PNP Chief iti kapolisan: dedikado a kampania kontra illegal a droga

BANTAY, Ilocos Sur – Inyunay-unay ni Police Director General Ronald M. Dela Rosa ti nainget nga implementasion ti internal a panagdalus iti Philippine National Police bayat ti panagbisitana iti Ilocos Sur Provincial Office ditoy nga ili idi Marso 22.

Kasta met nga indagadag ni Dela Rosa ti pannakipartisipar ti amin iti kampania a mangpu-gipog kadagiti misfits ken rinuker a polis nga aglinglinged iti likudan ti unipormeda.

Karitenkayo a mangibaklay iti annongenyo, kas maiyalubog iti Turay ti Linteg, dagiti pagbatayan ti PNP ken dagiti wagas ket babaen ti moralidad ken integridad idi pay, dedika-dotayo a mangituloy iti kam-pania maikontra iti illegal a droga,” paset ti mensahe ni Dela Rosa iti kapolisan iti babaenna.

Bimmisita ti Chief PNP iti ISPPO idi agarup 12:00 daytoy nga aldaw kalpasan a tim-mabuno a kas kangrunaan a sangaili iti Provincial Illegal Drugs Summit nga inangay ti gobierno probinsial iti Vigan Convention Center.

Paset ti nasao a summit ti panagpirma iti Pledge of Commitment and Support for a Drug-Free Ilocos Sur dagiti nangangato nga opisial ti PNP iti panangidaulo da Dela Rosa, Regional Director ti Police Regional Office 1 (PRO1) Police Chief Superintendent Charlo C. Collado, Ilocos Sur Governor Ryan Luis V. Singson, Vice Governor Jeremias Singson, PDEA Regional Director Jeoffrey C. Tacio, Ilocos Sur Acting Provincial Director Senior Supt. Rey De Peralta ken dagiti hepe ti polis dagiti nadumaduma nga ili ken siudad iti probinsia.

Kalpasan ti programa, kadua ni Dela Rosa a bimmisita iti Camp Elpidio Quirino da Collado ken dadduma pay a senior police officers ti PRO1 no sadino a sinangaili ida dagiti opisial ti ISPPO iti panangidaulo ni De Peralta iti boodle fight a pangaldaw.

Sinarungkaran pay da Dela Rosa ken ni Collado ti maysa kadagiti nasugatan a personnel iti ambush a napasamak iti Malibcong, Abra ken maag-agasan iti Ilocos Training and Regional Medical Center, San Fernando City, La Union. (Tawid News/PIO-PRO1)

Comments are closed.