Footer

3 delegado ti RIAA a sinapgid ti motorsiklo, saanen nga agdarum

VIGAN CITY – Nagasat daytoy a motorista ta saan a napakaruan ken saan a makapagbayag dagiti nasapgidna a delegado iti Region 1 Athletic Association Meet, gapuna a saandan nga agdarum pay.

Kas resulta, nadismis a dagus ti kaso maikontra ken ni Linus Follosco y Pabro, residente iti Sitio Punta, Barangay Cabittaogan, Sta. Catalina, Ilocos Sur.

Kas maibatay iti report, agturong iti Cabittaogan Elementary School a pagdagusanda bayat ti RIAA Meet dagiti biktima a nainaganan John Jofel Valdez y Simpliciano, Daisy Austrine Tayamen y Baptista, ken Joel Marnie Sales y Lorenzo idi sinapgid ida ti Honda Wave motorcycle a minaneho ni Follosco.

Mapapati a nakainom ni Follosco idi nasapgidna dagiti biktima.#

Comments are closed.