Footer

Tupada, naraut; 2 mannadi, natiliw

SAN ESTEBAN, Ilocos Sur – Dua a mammallot ti natiliw dagiti polis idi rinautda ti maysa a tupadaan sadiay Barangay Apatot, ditoy nga ili idi malem ti Pebrero 28.

Naaresto da Floro Abad y Ponce, 46, naasawaan, mangngalap ken residente iti Barangay Apatot ken Joeny Bullos y Espinosa, 38, naasawaan, vendor, ken residente iti Barangay San Rafael, agsipud ta akto nga agpalpallot dagiti manokda idi rimmaut dagiti polis.

Malaksid dagiti dua a manok, kinumpiska pay dagiti polis ti dua a boxes a naglaon iti 37 a tadi ken dadduma nga aksesoria ti pallot.

Naisaklang da Abad ken Bullos iti panagsalungasing iti ordinansa ti munisipio a mangiparparit iti tupada ket napakatanda iti multa a tig-P1,500.00.#

Comments are closed.