Footer

Balay ti maestra, natakawan

STA. LUCIA, Ilocos Sur – Maysa a balay sadiay Barangay Sabuanan ditoy nga ili ti naireport a natakawan idi agsapa ti Marso 28.

Sinerrek ti/dagiti mannanakaw ti balay ni Alicia Halabaso y Rico, 45, naasawaan, maestra, ket kinurimesda ti maysa nga Apple laptop, Apple iphone 5s, Toshiba laptop, Samsung tablet a mapattapatta nga agbalor amin iti P120,000.00.

Karaman pay a natakaw ti P50,000.00 a kuarta ti kabsat a babai ti bikima a managan Judy Rico y Morfeno, 38, awanan asawa, cashier.

Di pay ammo ti kinasiasino dagiti nangiwayat iti panagtakaw.

Kuna ti polis a nakastrek ti/dagiti mannanakaw iti balay babaen ti panangtugkalda iti akinlikud a ridaw.#

Comments are closed.