Footer

Illegal a napukan a troso, nakumpisa

BAUANG, La Union – Sangagasut, pitupulo ket maysa nga illegal a naputputed a troso ti kinumpiska dagiti polis iti inwayatda nga operasion sadiay Barangay Lower San Agustin ditoy nga ili idi agarup 5:40 ti malem ti Marso 29.

Mapattapatta nga agbalor amin dagiti naputed a troso ti Gmelina iti nadumaduma a kaatiddog iti P8,550.00.

Naangotan dagiti suspek a nabigbig idi agangay a da Victorio Barcelona ken Danny Mayoya, agpada nga addaan legal nga edad ken residente iti nadakamat a lugar ti kaadda dagiti polis ket naglibasda.

Adda iti kustodia ti nasao a police station dagiti nakumpiska a troso para iti umisu a disposision.#

Comments are closed.