Footer

Taiwanese, kumplotna naaresto gapu iti illegal recruitment

MANGALDAN, Pangasinan – Tiniliw dagiti elemento ti kapolisan ditoy iti panangidaulo ni Supt. Jeff E. Fanged, OIC, ti maysa a Taiwanese ken ti kumplotna iti nagsulian ti A. Lacson ken Tayuman Street, Sta. Cruz, Manila gapu iti illegal a panagrekrut idi bigat ti Marso 29.

Inaresto dagiti polis ni Richard Dy y Untalan, @ Richard Uy, 43, Filipino Taiwanese, freelance inter-preter ken residente iti 2257 P. Guevarra Street, Sta. Cruz, Manila babaen ti bileg ti alias search warrant nga inyisio ni Judge Genoveva Coching-Maramba ti Regional Trial Court Branch 44, Justice Hall, Dagupan City gapu iti kaso nga illegal recruitment (large scale and committed by a syndicate).

Nai-docket iti babaen ti Criminal Case No. 2016-0634-D, awan ti nairekomenda a piansa ni Dy iti daytoy a kasona.

Naaresto pay ni Rosalinda Soquila y Molina @ Linda, 47, naasawaan, ken residente iti Barangay Banaoang East, ditoy nga ili babaen ti alias warrant of arrest nga inyisio ni Judge Emma M. Torio ti RTC Branch 41, Justice  Hall, Dagup[an City gapu iti kasona nga estafa a nai-docket iti babaen ti Criminal Case No. 2016-0284-D.

Nairekomenda nga agpiansa ni Soquila iti P20,000.00. (Tawid News/Mangaldan police report)

Comments are closed.