Footer

Aglaklako paltog, natiliw entrapment operation

TAGUDIN, Ilocos Sur – Iti baet ti napaingetan a kampania ti kapolisan maikontra iti droga ken kriminalidad, maysa a lalaki ti natiliwan nga aglaklako iti paltik idi malem ti Abril 4 sadiay Barangay Bitalag ditoy nga ili.

Inaresto dagiti polis ni Marlon Corpuz Ramirez, 46, awanan asawa, ken residente iti Barangay Bitalag, ditoy nga ili kalpasan a nakagatang kenkuana ti maysa a polis a nagpammarang a buyer iti maysa a cal. 22 revolver nga awanan marka, ken uppat a bala a naikarga iti cylinder ti paltog.

Nakakumpiska pay dagiti polis iti ikut ti suspek ti dua a tig-P1,000.00 a naaramat iti transaksion, ken maysa a cellular phone.

Iti pannakaisurat daytoy, maisagsaganan ti kaso maikontra ken ni Corpuz.#