Footer

Balud, DOA iti ospital gapu iti heat stroke

VIGAN CITY – Saanen a naiyabut a sibibiag ti maysa a balud nga intarayda sadiay Gabriela Silang General Hospital idi agsapa ti Abril 18.

Segun iti report manipud iti polis ditoy, nakaawatda iti telephone call manipud iti maysa a di nainagan a personnel ti GSGH idi agarup 7:55 ti bigat ti Abril 18 a nangkiddawan daytoy iti numero ti telepono ti BJMP sadiay Barangay Ayusan Sur agsipud ta natayen ti balud a naitaray iti ospital ket kasapulan ti pannakaimassayagna iti funeral home.

Iti panagimbestiga ti polis, idi agarup 9:00 ti bigat ti Abril 17, nag-complain ni Jedrick Castro Sulit, 43, iti sakit ti barukongna gapu iti mapapati a pudot iti uneg ti selda ket pinalubosanda a rimmuar tapno lumang-ab iti presko nga angin.

Ngem segun ken ni SJO4 Guillermo and JO1 Jacob, idi tsinek-apda ti blood pressure ni Castro ket normal met.

Nagsubli ti balud iti seldana ngem idi agarup 9:30 iti dayta met la a bigat, nakusbo ken nagawan puotna.

Nupay naipaayan iti first aid ken dagus a naitaray iti Gabriela Silang General Hospital, naideklara ni Castro a dead on arrival.#