Footer

Mannalon, natnag iti buy bust operation

STA. MARIA, Ilocos Sur – Inaresto dagiti kameng ti PDEA RO1 ISPO, pdeu isppo ken police station ditoy nga ili ti maysa a mannalon kalpasan a nagpositibo ti buy bust operation nga inwayatda maikontra iti suspek.

Nakumpiska iti ikut ni John Brecia y Mera, 33, naasawaan, natibo iti Quezon Province ngem agdama nga agnaed iti Sitio Ramas, Barangay Suso ditoy nga ili ti maysa a heat sealed transparent plastic sachet a nagkarga iti mapapati a shabu; elongated heat sealed transparent plastic sachet a nagkarga iti masuspetsa a shabu; dakkel a plastic sachet a naggianan 3 plastic sachet a nagkarga iti mapapati a shabu; 5 a tig-P1,000.00 bill agraman ti buy bust money; 3 a tig- P100.00 bill; ken dadduma a drug paraphernalia.

Napilaan ni Brecia iti kaso a panaglabsing iti Sections 5, 11 ken 12, Article 11 ti RA 9154 iti provincial prosecutor’s office, Narvacan, Ilocos Sur.#