Footer

Mapukpukaw a mangngalap, bangkayen a nasarakan

SANTIAGO, Ilocos Sur – Bangkayen a nasarakan ti mangngalap dua nga aldaw kalpasan a naireport a mapukpukaw idi Abril 3.

Nasarakan da Rodel Javillonar Doria, 43, ken Brillante Dela Rosa Cabuerñas, agpada a mangngalap ken residente iti Barangay Mantanas, Sta. Cruz, a maysan a bangkay ni Orlando Vergara y Quiming, 45, awanan asawa, kalugaranda met laeng iti nadakamat a barangay iti kabaybayan a paset daytoy nga ili idi agarup 8:00 ti bigat ti Abril 5.

Sakbayna, inreport ni Barangay Kagawad Enriqueta Javillonar y Dela Cruz iti polis a mapukpukaw ti kaanakanna a ni Vergara sipud pay idi timmapog iti baybay ni Vergara idi agsapa ti Abril 3 a naglugan iti bangkana a nagmarka iti Edi Boy.

Agmaymaysa ni Vergara a napan nagkalap iti dayta a petsa.

Narekobre ti bangkana iti baybay ti Barangay Dili ngem awan ti biktima.#

 
Comments are closed.