Footer

Trabahador, binagsol ti kabsatna

MAGSINGAL, Ilocos Sur – Binagsol ti maysa a trabahador ti kabsatna gapu iti susik a naparnuay iti nagbaetan ti anakna ken ti biktima sadiay Barangay Sta. Monica ditoy nga ili idi sardam ti Abril 8.

Segun iti report, idi agarup 7:40 ti sardam ti Abril 8, nagriri da Renato Andino y Decano, 53, awanan asawa, ken ni Carolyn Andino, anak ni Marcelino Andino y Decano, 57 ket nagpulong ti anak iti amana idi simmangpet daytoy.

Mapapati nga agpadada a nakainom, kinumpronta ti biktima ti suspek a nagtungpal iti panaggubalda.

Ginammatan ni Renato ti maysa a kawayan a bislak ket daytoy ti imbautna iti ulo ti suspek.

Nakapidut met Marcelino iti buong a botelia ket daytoy ti imbagsolna iti kabsatna a nakadunoran ti makannawan a takiag daytoy.

Naitaray ni Renato iti Gabriela Silang General Hospital, Tamag, Vigan City para iti pannakaagas ti sugatna idinto a sinapul ken inaresto dagiti polis ni Marcelino sada impan iti police station para iti dokumentasion ken disposision.#

 
No comments yet.

Leave a Reply