Footer

Crime rate iti Ilocos Norte bimmaba iti 30%

LAOAG CITY – Bimmaba ti crime rate ti probinsia iti 30% manipud idi 2016 agingga iti umuna a tallo a bulan ti 2017, dayoy ti report manipud ken ni Provincial Director Senior Superintendent Jose Melencio Nartatez, Jr. itay nabiit.

Sakbay daytoy, bimmaba ti crime rate iti probinsia manipud pay idi 2015 agingga iti 2016, segun ken ni Nartatez.

Manipud iti kadagupan iti 1,500 index crimes idi 2015, bimmaba daytoy iti 600 iti panaggibus ti 2016 wenno bimmaba iti 60%.

Kinuna ni Nartatez a nagun-od daytoy babaen ti tulong dagiti polis iti babaenna a nangipatungpal iti tawag ti pagannonganda.

Kinuna pay ni Nartatez a kadakkelan a rupakda ti rupak kadagiti korte, saan laeng a maymaysa a kalsada, iti sanguanan dagiti alegasion a nainbolbar dagiti polis kadagiti mapapati nga extrajudicial killings iti sapasap a pagilian.

Inyunay-unay ti provincial director a tagipatgenda ti kalintegan ti tao a nasursurok pay iti bagina wenno iti siasinoman.

Dinayaw ni Nartatez ni Governor Imee R. Marcos ken ti gobierno probinsial gapu ta sumupsuporta ken naaktiboda iti pannakatagipen ti kappia ken urnos.

Kabayatanna, kinuna ni Marcos a ti kappia ken urnos ti umuna a pagsammakedan ti panagdur-as.

Itay napan a tawen, binigbig ti Department of Interior and Local Government ni Marcos kas most outstanding governor iti pagilian, partikular iti tignay maikontra iti illegal a droga.

Kinuna ni Nartatez nga iti 2017, ituloyda ti naing-inget a pananglapped kadagiti krimen kadagiti kalsada, nasamsamay a panagimbestiga para iti pannakarisut dagiti krimen, panangpugipog kadagiti illegal a droga ken loose firearms, ken panangpapigsa iti kapabilidadtayo iti programa ti panagdur-as. (Manipud iti report ni Grace G. Castro, PGIN-CMO)