Footer

Tractor head, napagtripan binato ti nabartek

SANTA, Ilocos Sur – Gapu ta nabartek, napagtripan daytoy a trabahador a binato ti maysa a tractor head ngem malasna, nailasin ti drayber a nagtungpal iti pannakatiliwna.

Napasamak ti pannakabato ti tractor head idi agarup 12:40 ti malem ti Abril 26 sadiay Barangay Manueva, ditoy nga ili.

Kas maibatay iti panagimbestiga dagiti polis, agpaamianan ti nasao a lugan a minaneho ni Joffrey Matute y Dela Cruz, 32, residente iti Barangay Calambeg, Piddig, Ilocos Norte idi kellaat a binato ti maysa a lalaki a nakatiruan ti paset a pagtugawan ti pasahero.

Innaganan ni Barangay Kagawad Reynaldo Buenio kadagiti nagresponde a polis a maysa a Jonathan Cris Bigornia y Ramirez, 28, awanan asawa, laborer, ken residente iti nadakamat a barangay ti nangbato iti lugan.

Nabigbig met ni Matute ti suspek nga isu ti nangbato iti luganna.

Naipan ti suspek iti police station para iti dokumentasion ken disposision.#

Comments are closed.