Footer

Ama, 3 annakna, simmuko iti polis

NARVACAN, Ilocos Sur – Simmuko iti polis ti maysa a mannalon ken dagiti tallo nga anakna a lalaki sakbay a maarestoda idi bigat ti Mayo 2.

Boluntario a simmuko iti polis ditoy da Jerry Collo y Perala, 59, naasawaan, mannalon; ken dagiti annakna a pakairamanan da Jun Jun Collo y Molina, 32, naasawaan; Noel Collo y Molina, 26, baro; ken Kevin Collo y Molina, 21, baro, college student, residenteda amin iti Brgy. Orence, Narvacan, Ilocos Sur.

Addaanda amin iti standing warrant of arrest nga inyisio ni Judge Geraldine B. Ramos ti 4th Municipal Circuit Trial Court kanaig ti kasoda nga attempted homicide a naipababaen iti Criminal case No. 5454-N.

Naikustodia dagiti akusado iti police station para iti dokumentasion ken umisu a disposition.#