Footer

Pimmaltog iti barangay captain, nakasuan

MAGSINGAL, Ilocos Sur Dua a kaso ti naisaklang maikontra iti suspek iti pannakapaltog ti barangay captain ti Barangay Puro ditoy nga ili.

Naipaiman iti opisina ti provincial prosecutor, Vigan City ti kaso a murder ken frustrated murder maikontra ken ni Reno Villa y Fariñas, residente iti Barangay Cabulalaan, Sinait, Ilocos Sur.

Maipalagip a napaltogan idi malem ti Abril 17 ni Barangay Captain Angelito Torricer y Tabucol, 56, ken ti kalib-inna a ni Mary-Ann Raquel, 35, agpada a residente iti Barangay Puro babaen dagiti suspek a nagkasakay iti motorsiklo a ti maysa ket nabigbig idi agangay a ni Villa.

Pimmusay ni Torricer iti Northside Doctors Hospital, Bantay idi sardam ti Abril 24.#