Footer

Motosiklo, inatalan ti truck; 3 naglugan DOA iti ospital

URDANETA CITY – Tallo ti natay a pakairamanan ti drayber idi maatalanda kalpasan a dimmungpar ti motorsikloda iti sabali a motorsiklo sadiay Manila North Road, Zone 7, Barangay Nacayasan ditoy siudad idi rabii ti Mayo 5.

Naireport nga agpapada nga awanen ti biagda da Wendel James Sison y Saguiped, 16, drayber iti Suzuki Raider 150, residente iti Sison Street, Barangay Bayaoas, Urdaneta City; John Paul Rimas y Cangco, 17; ken Ian Angelo Bagnas y Miranda, 17, agpada a residente iti Barangay Dilan-Paurido, Urdaneta City.idi maidanonda iti Urdaneta District Hospital.

Kas maibatay iti report, mapapati a nakasardeng iti abaga ti agpaabagatan a linia ti kalsada ti Rusi 125 motorcycle a nagluganan da Joel Apongol y Jaramilla, 41, ken dagiti sakayna a da Janice Apangol y Torres, 33, ken Precious Joy Apongol y Torres, 5, residenteda amin iti Lamao, Limay, Bataan idi sinapgid ti agpaabagatan a Susuki Raider 150 motorcycle.

Segun iti panagimbestiga dagiti polis, inatalan ti agpaabagatan met nga Isuzu Forward Truck a minaneho ni Edson Piano y Batara, 55; naasawaan, ken residente iti Bued West, San Vicente, Alcala, Pangasinan dagiti biktima a nagsagrapanda kadagiti grabe a sugatda ken puon ti nakatayanda.

Boluntario a simmuko ti drayber ti truck kadagiti nagresponde a polis ket maisagsaganan ti kaso a reckless imprudence resulting to multiple homicide maikontra kenkuana. (Manipud iti report ti PRO1)

Comments are closed.