Footer

Dump truck, van, nagdinnungpar, maysa ti natay

BANTAY, Ilocos Sur – Natay ti drayber ti van idi nakidinnungpar ti luganna iti maysa a dump truck iti national highway sadiay Barangay Bulag East, ditoy nga ili idi malem ti Mayo 16.

Naideklara nga awanen ti biag ti nagmaneho iti Hyuundai Grand Saloon van a ni Ian Joseph Azurin y Mabalot, 18, awanan asawana, residente iti Sitio Paa, Taleb, Bantay idi maidanon iti Bantay Rural Health Unit.

Naipan met ni Lowel Pido y Taiza, 35, awanan asawa, ken residente iti Barangay Sagneb, Bantay, Ilocos Sur ken nagmaneho iti Daewoo Dump truck iti Gabriela Silang General Hospital para iti pannakaeksamenna sa naipan iti police station ti Bantay para iti umisu a disposision.

Kas maibatay iti blotter, agpalaud ti dump truck ket iti nakapasamakan ti aksidente, mapapati nga inobertekan ni Azurin ti maysa a truck a puon ti nakidinnungparan ti luganna iti dump truck a minaneho ni Pido.#